Uyğunluğu qiymətləndirən qurumların nəzərinə!

AZS ISO/IEC 17024:2024 “Uyğunluğun qiymətləndirilməsi. Şəxslərin sertifikatlaşdırılmasını həyata keçirən orqanlara dair ümumi tələblər”

standartına keçid üçün

SİYASƏTİ

“Azərbaycan Standartlaşdırma İnstitutu” publik hüquqi şəxs tərəfindən 11 yanvar 2024-cü il tarixində AZS ISO/IEC 17024:2024 standartı təsdiq edilmişdir.

Yeni standarta keçidi asanlaşdırmaq üçün “Azərbaycan Akkreditasiya Mərkəzi” publik hüquqi şəxs (bundan sonra- AzAK) aşağıdakı keçid proqramını tərtib etmişdir.

AzAK tərəfindən akkreditasiya edilmiş uyğunluğu qiymətləndirən qurumlar (bundan sonra- UQQ) akkreditasiya statusunu saxlamaq üçün 01.09.2025-ci il tarixinə qədər AZS ISO/IEC 17024:2024 standartına uyğunluğunu təmin etməlidir.

01.09.2025-ci il tarixindən etibarən AzAK tərəfindən AZS ISO/IEC 17024-2014 standartına uyğun olaraq təqdim edilmiş akkreditasiya attestatları etibarsız hesab olunacaqdır.

15.04.2025-ci il tarixindən etibarən AZS ISO/IEC 17024-2014 standartının tələblərinə uyğunluğun qiymətləndirilməsi üçün AzAK-a daxil olan akkreditasiya müraciətlərinə baxılmayacaqdır.

01.06.2025-ci il tarixindən etibarən illik qiymətləndirmələr AZS ISO/IEC 17024:2024 standartına uyğun olaraq həyata keçiriləcəkdir. İllik qiymətləndirmə zamanı AzAK UQQ-də fəaliyyət planının icrasında irəliləyişləri nəzərdən keçirəcəkdir.

15.04.2025-ci il tarixinə qədər akkreditasiya olunmuş UQQ-lər fəaliyyət planını 01.06.2025-ci il tarixinədək AzAK-a təqdim etməlidirlər.

Fəaliyyət planına aşağıdakılar daxil olmalıdır:

• AZS ISO/IEC 17024:2024 standartının idarəetmə sisteminə təsirinin təhlili;
• AZS ISO/IEC 17024:2024 standartında edilən dəyişikliklərə əsaslanan daxili audit;
• Yeni standarta keçid barədə maraqlı tərəflərin və müştərilərin məlumatlandırılması;
• Müstəqillik və qərəzsizlik üçün risklərin ehtiyac olduğu halda davamlı olaraq müəyyənləşdirilməsi;
• Personalın səriştəliliyinin AZS ISO/IEC 17024:2024 standartının tələblərinə cavab verməsini əks etdirən sənədləşdirilmiş qeydlər.

UQQ-lər tərəfindən təqdim edilmiş fəaliyyət planları AzAK tərəfindən 3 (üç) ay müddətində qiymətləndiriləcək və fəaliyyət planının icrasına yerində qiymətləndirmə zamanı baxılacaqdır.

UQQ-lər illik qiymətləndirmə zamanı aşkar olunmuş uyğunsuzluqları 01.09.2025-ci il tarixinə qədər aradan qaldırmağa cavabdehlik daşıyırlar.

AZS ISO/IEC 17024:2024 standartına uyğun aparılan illik qiymətləndirmənin nəticəsi qənaətbəxş olduğu halda, AZS ISO/IEC 17024-2014 standartı üzrə verilmiş akkreditasiya attestatının etibarlılıq müddəti saxlanılmaqla yenisi ilə əvəz olunacaqdır.

Məsələ ilə bağlı hər hansı sual yaranarsa, maraqlı tərəflər AzAK-a müraciət edə bilər.

Ünvan: Bakı şəhəri, Zeynal Xəlil 37

İnternet səhifəsi: www.accreditation.gov.az

Telefon: +994 12 565 35 50

Elektron ünvan: azak@accreditation.gov.az