AzAK “Validasiya/Verifikasiya və Ölçmə Qeyri-müəyyənliyi” mövzusu əsasında 3 günlük təlimlər keçirəcək

Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyinin tabeliyində olan Azərbaycan Akkreditasiya Mərkəzi (AzAK) “Validasiya/Verifikasiya və Ölçmə Qeyri-müəyyənliyi” mövzusu əsasında 3 günlük təlim elan edir.

Təlimlər 2025-ci ilin 26-28 noyabr tarixlərində AzAK-ın laboratoriyaların akkreditasiyası sahəsi üzrə ixtisaslaşmış əməkdaşı Çinarə Əhmədzadə tərəfindən keçiriləcək.

Təlim proqramı aşağıdakı mövzuları əhatə edəcək:

1. Metodların validasiyası/verifikasiyası və ölçmə qeyri-müəyyənliyinə ümumi baxış;
2. Validasiyanın əsasları, əsas göstəriciləri (dəqiqlik, doğruluq, seçicilik-spesifiklik, sağlamlıq və.s), verifikasiyadan fərqi və tətbiq sahələri;
3. ISO/IEC 17025 standartı: 7.2-ci və 7.6-cı maddələrinin təhlili;
4. Validasiya və verifikasiyanın izahı metodlar üzərində;
5. Keyfiyyətə nəzarət qrafiklərinin qurulması;
6. Ölçmələrin qeyri-müəyyənliyinin qiymətləndirilməsi;
7. Statistik təhlillər, kənar dəyərlər, standart kənarlaşma, etibarlılıq faktoru

Sonda imtahandan uğurla keçən şəxslərə müvəffəqiyyət, digər şəxslərə isə iştirakçı sertifikatları təqdim olunacaq.

Qeydiyyat üçün əlaqələndirici şəxs:

Dinarə Hüseynova - İnsan resurslarının idarəedilməsi və inkişafı sektorunun mütəxəssisi
Mob: (+994 70) 671 62 76
E-mail: dinara.huseynova@accreditation.gov.az