ADNSU tələbələri AzAK-da istehsalat təcrübəsinə başlayıblar

Azərbaycan Akkreditasiya Mərkəzində (AzAK) Azərbaycan Dövlət Neft və Sənaye Universitetinin (ADNSU) Cihaz mühəndisliyi, İnformasiya texnologiyaları və idarəetmə fakültələrinin 4-cü kurs tələbələri istehsalat təcrübəsinə başlayıblar.

İstehsalat təcrübəsi proqramı çərçivəsində AzAK-ın Laboratoriyaların akkreditasiyası, o cümlədən İnspeksiya və sertifikatlaşdırma üzrə orqanların akkreditasiyası şöbələrində onlar akkreditasiyanın prinsipləri və mərhələləri, uyğunluğun qiymətləndirilməsi və risklərin idarə olunması sahələri üzrə praktiki bilik və bacarıqlar əldə edirlər.

İstehsalat təcrübəsi tələbələrin nəzəri biliklərini gücləndirmək, komanda şəklində işləmə və analitik düşünmə bacarıqlarını inkişaf etdirmək məqsədini daşıyır.